Mince Mulai Kurang Ajar

Mince, ini Nelis pung pacar. Dong su pacaran lama eee su hampir dekat dengan Jaman Indonesia dapat jajah dari Belanda. Hanya karna dong su talalu lama pacaran to Mince pung tingkah ini mulai berubah, ke biasa Katong pung baomong na dia su mulai kurang ajar Deng Nelis asli ini Nelis pung cerita.

"Mince eee, lu ni sekarang su lancar ouw, Baomong binatang dong PU nama semua, ko ini binatang dong sa yang ponu lu pU mulut sa ni," nelis pung bahasa mangomel ame sang mince ko semua orang dengar habis Nelis pung batareak su sama ke pak RT yang ada keliling komplek ko batareak warga Pi kerja bakti sa.

Mince PU jawab sante sa dan penuh dengan keyakinan. 

"Sayang eee, ko Katong su basayang anggg, ko omong itu nama binatang dong Ju nanti sayang son jadi binatang to," Mince PU jawaban ni memang betul-betul meyakinkan angg sama ke Buzer dong pung kasi yakin masyarakat Indonesia kalo Pemerentah dong su kerja keras sesuai dong pung kemampuan.

Dari belakang  Pak RT dengar ini Mince deng Nelis pung baomong bahasa percintaan ko, Bapa Tua RT batareak ame kasi dong bilang, bosong mau baomong bosong PU percintaan ko apa pung barang intinya Jang rebut b pung porsi sebagai RT yang biasa batareak warga Ko Pi kerja bakti angg. Kalopun bosong ada masalah na baomong bae-bae to.

Bersambung.

Cerita Nelis dan Mince, akan diterbitkan dalam Blog ini setiap Hari Minggu.